شلبي مواصلاً الهجوم على ميدو : «ايه القرف اللي بتعمله ده .. النني عمل اللي انت معملتهوش

واصل الإعلامي مدحت شلبي هجومه العنيف على أحمد حسام "ميدو" المدير الفني لنادي وادي دجلة بسبب إنتقاد الأخير لمحمد النني لاعب وسط منتخب مصر وأرسنال الإنجليزي.

وقال "شلبي" عبر برنامجه "مساء افريقيا" على شاشة "أون سبورت" : "لما اتناول لاعب بحجم النني اللي بيلعب في الأرسنال الإنجليزي ، أحمد فتحي قعد يواسيه عشان وصلهم كلهم اللي اتقال على النني ، واحد قال لما اقابل فينجر هقوله خدته ليه ، ايه القرف ده".

وواصل الإعلامي حديثه : "شئ متدنى لأقصى درجة ، محاولة فرض العضلات الأوفر دي شكلك سئ جداً ، ده ابن بلدك يا اخي ، انت بتتكلم في قناة بره بلدك ، وبيلعب بإسم مصر وفي مكان حساس جداً".

واختتم حديثه : "أنت لست أهلاً لتقيم لاعب مع كل احترامي ليك ، انت مش أهل للتقييم ، ده عمل اللي انت عمرك ما عملته في سنة ونص وسنتين ، ارجوك متخليناش نتناولك ، خليك في الاطار اللي انت بتبدع به ، كفاية هجوم على ولاد بلدك".

المصدر: اي بي ارينا